ଫୁଲବାଣୀ:(ସୁନୀଲ  ବେହେରା)ଓଡ଼ିଶା ସାମ୍ବାଦିକ ସଙ୍ଘ କନ୍ଧମାଳ ଜିଲ୍ଲା ଶାଖା ପକ୍ଷରୁ ଆଜି ଜି ଉଦୟଗିରି ଡାକ ବଙ୍ଗଳା ଠାରେ ନୂତନ କର୍ମକର୍ତ୍ତା ଚୟନ ସହ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଅତିଥି ଭାବେ ରାଜ୍ୟ କୋଷଧକ୍ଷ ଅରୁଣ କୁମାର ଷଢ଼ଙ୍ଗି ଯୋଗ ଦେଇଥିଲେ। ଓଡ଼ିଶା ସାମ୍ବାଦିକ ସଂଘର କନ୍ଧମାଳ ଜିଲ୍ଲା ଶାଖାର ଆଗାମୀ ୩ ବର୍ଷ ପାଇଁ ନୂତନ କର୍ମକର୍ତ୍ତା ଚୟନ କରାଯାଇଥିଲା। ଏଥିରେ ସର୍ବ ସହମତି କ୍ରମେ ରାଧାମୋହନ ମହାପାତ୍ରଙ୍କୁ ଜିଲ୍ଲା ସଭାପତି ଭାବେ ଚୟନ କରାଯାଇଥିବା ବେଳେ ସମ୍ପାଦକ ଭାବେ ପ୍ରିୟବ୍ରତ ସାହୁଙ୍କୁ ଚୟନ କରାଯାଇଛି। ଉପ ସଭାପତି ଭାବେ ଅନୀଲ ଦଳବେହେରା ଏବଂ ଭାଗିରଥି ନାଥ । ରାଜ୍ୟ କାର୍ଯ୍ୟକାରିଣୀ ସଦସ୍ୟ ଭାବେ ସଞ୍ଜୟ ପାତ୍ର ।ଉପଦେଷ୍ଟା ଭାବେ ବ୍ରଜବିହାରି ନନ୍ଦ, ଦେବନାଥ ଦଳବେହେରା, ପତିତପାବନ ସାହୁ, ଅରୁଣ କୁମାର ସଢଙ୍ଗୀ।ସେହିପରି କାର୍ଯ୍ୟକାରିଣୀ ସଦସ୍ୟ ଭାବେ ପ୍ରସନ୍ନ ମିଶ୍ର, ସଞ୍ଜୟ ମହାନ୍ତି, ସୁଜିତ କୁମାର ସାହୁ, ଚନ୍ଦ୍ର ଶେଖର ପାଢ଼ୀ ଓ କାଳୀ ଚରଣ ତ୍ରିପାଠୀଙ୍କୁ ଚୟନ କରାଯାଇଛି। ରାଜ୍ୟ ସରକାରଙ୍କ ପକ୍ଷରୁ ସମସ୍ତ ସାମ୍ବାଦିକଙ୍କୁ ସ୍ୱାସ୍ଥ୍ୟ ବୀମା କାର୍ଡ଼ ଯୋଗାଇଦେଇଥିବାରୁ କନ୍ଧମାଳ ଶାଖା ପକ୍ଷରୁ ସରକାରଙ୍କୁ ଧନ୍ୟବାଦ ଜଣାଇଥିଲେ। ଏହା ସହ ସାମ୍ବାଦିକଙ୍କ ଅନ୍ୟାନ୍ୟ ସମସ୍ୟା ସମ୍ପର୍କରେ ଆଲୋଚନା କରାଯାଇଥିଲା।