ଫୁଲବାଣୀ ୨୨।୯, :(ଲକ୍ଷ୍ମୀ ନାରାୟଣ ପଟ୍ଟନାୟକ)କନ୍ଧମାଳ ଜିଲ୍ଲା ଆରକ୍ଷୀ ଅଧିକ୍ଷକ ଶୁଭେନ୍ଦୁ କୁମାର ପାତ୍ରଙ୍କ ନିର୍ଦ୍ଦେଶ କ୍ରମେ, ଆଜି ଜିଲ୍ଲା ର ଉପାନ୍ତ ଅଞ୍ଚଳରେ ଥିବା ବ୍ରାହ୍ମଣୀଗାଁ ଥାନା ପୋଲିସ୍ ଦ୍ବାରା, ସ୍ଥାନୀୟ ରୁଷିମାଳ କଲେଜ ପରିସରରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଅୟୋଜିତ ଏହି ଶିବିରରେ ବାଲିଗୁଡ଼ା ଏସଡିପିଓ ୟଶ ପ୍ରତାପ ଶ୍ରୀମଲ ଅତିଥି ଭାବେ ଯୋଗ ଦେଇଥିଲେ। ଏହି ଅବସରରେ ବ୍ରାହ୍ମଣୀଗାଁ ଥାନା ଅଧିକାରୀ ଚାପଧାରୀ ପ୍ରଧାନ,ଫୁଲବାଣୀ ରକ୍ତଭଣ୍ଡାର ଅଧିକାରୀ ଡାକ୍ତର ଜୟଦୀପ ଘୋଷ,ଫୁଲବାଣୀ ରକ୍ତଦାନ ସମିତି ସହସମ୍ପାଦକ ତଥା ବରିଷ୍ଠ ରକ୍ତଦାତା ପ୍ରଶାନ୍ତ କୁମାର ବେହେରା ପ୍ରମୁଖ ଉପସ୍ଥିତ ଥିଲେ। ଶିବିରରେ ରକ୍ତ ସଂଗ୍ରହ କାର୍ଯ୍ୟ, ଏଲଟି ସୂଜିତ କୁମାର ସାହୁ,ପ୍ରଶାନ୍ତ କୁମାର ରତ୍ନାଲୁ,ଅର୍ଚ୍ଚନା ପ୍ରଧାନ,ଶ୍ରୀକାନ୍ତ ସାହୁ ଏବଂ ବରୁଣ ବେହେରା ପ୍ରମୁଖ ସମ୍ପାଦନ କରିଥିଲେ ।ଶିବିରରେ ପୋଲିସ୍ସ ଜବାନ କଲେଜ ଛାତ୍ରୀଙ୍କ ସମେତ ଅନେକ ଯୁବକ ଯୁବତୀ ସ୍ବେଛାକୃତ ଭାବେ ରକ୍ତଦାନ କରିଥିଲେ। ଏହି ଶିବିର ରେ ସମୁଦାୟ ୮୦ ୟୁନିଟ୍ ରକ୍ତ ସଂଗ୍ରହ ହୋଇଥିଲା। ଶିବିର ପରିଚାଳନା ରେ ଏସ୍ ଆଇ ଅମରେନ୍ଦ୍ର ସୁବୁଦ୍ଧି,ଏଏସଆଇ ରମାକାନ୍ତ ସେଠୀ ଓ ଶଙ୍କର ବଡକା, ଅରୁଣ କୁମାର ମହାନ୍ତି ସମ୍ପତି କହଁର ପ୍ରମୁଖ ସହଯୋଗ କରିଥିଲେ।

1. 

ପରିଚାଳକ ଆଦିତ୍ୟ ପ୍ରସାଦ ତ୍ରିପାଠୀ

ଯୋଗାଯୋଗ +919853121131